នៅថ្ងៃទី៨ ខែមិថុនា លោក ហូវ៉ាន់ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងជាប្រធានគណៈកម្មាធិការប្រជាជនខេត្តអានយ៉ាង បានដឹកនាំកិច្ចប្រជុំសមាជិកគណៈកម្មាធិការប្រជាជនខេត្ត អំពីខ្លឹមសារស្ថិតក្នុងសមត្ថកិច្ចក្នុងការសម្រេចនិងដាក់ជូនគណៈអចិន្ត្រៃយ៍គណៈកម្មាធិការបក្សនៃគណកម្មាធិការប្រជាជនខេត្ត ព្រមទាំងស្តាប់របាយការណ៍វាយតម្លៃស្ថានភាពសេដ្ឋកិច្ច-សង្គមក្នុងខែឧសភា និងរយៈពេលប្រាំខែដំបូងនៃឆ្នាំ២០២៦។ អញ្ជើញចូលរួមផងដែរ រួមមានលោក ង្វៀន ថាញ់ផុង សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត និងជាអនុប្រធានប្រចាំការនៃគណៈកម្មាធិការប្រជាជនខេត្ត ប្រមទាំងលោក ឡេវ៉ាន់ភឿក ង៉ោកុងធឹក និងលោក ឡេទ្រុងហូ អនុប្រធានគណកម្មាធិការប្រជាជនខេត្ត។
ថ្លែងមតិណែនាំក្នុងកិច្ចប្រជុំ លោក ហូវ៉ាន់ម៉ឹង ប្រធានគណកម្មាធិការប្រជាជនខេត្ត បានវាយតម្លៃខ្ពស់ ចំពោះការអនុវត្តបញ្ញាសិប្បនិម្មិត (AI) សម្រាប់ការវិភាគទិន្នន័យ និងការបង្ហាញរបាយការណ៍ ដោយជំនួសវិធីសាស្រ្តអានបែបប្រពៃណី។ ទន្ទឹមនិងនោះ តម្រូវឲ្យអង្គភាពនានាបន្តស្រាវជ្រាវ និងជំរុញខ្លាំងការអនុវត្តបច្ចេកវិទ្យាព័ត៌មាន និងបញ្ញាសិប្បនិម្មិត AI ទៅក្នុងការបង្កើតរបាយការណ៍ ការវិភាគទិន្នន័យ និងការរិះគន់គោលនយោបាយនាពេលអនាគត។
ដោយវាយតម្លៃខ្ពស់ចំពោះលទ្ធផលសេដ្ឋកិច្ច-សង្គមក្នុងរយៈពេលប្រាំខែកន្លងមកនេះ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានតម្រូវឲ្យមន្ទីរ ផ្នែក និងមូលដ្ឋាននានា ផ្តោតលើការបញ្ចេញថវិកាដើមទុនវិនិយោគសាធារណៈឲ្យបានឆាប់រហ័ស និងរំដោះផ្ទៃរាបឲ្យបានឆាប់រហ័ស ដោយធានានូវប្រភពផ្គត់ផ្គង់វត្ថុធាតុដើម និងដោះស្រាយយ៉ាងម៉ឺងម៉ាត់ចំពោះអ្នកម៉ៅការគ្មានសមត្ថភាព មិនធានាបាននូវល្បឿននិងគុណភាព។
បណ្តាមន្ទីរ ផ្នែក និងមូលដ្ឋាននានា ត្រូវអនុវត្តយ៉ាងតឹងរ៉ឹងនូវការណែនាំរបស់មជ្ឈិម គណៈកម្មាធិការបក្សខេត្ត និងគណៈកម្មាធិការប្រជាជនខេត្ត។ ច្បាមជាប់ផែនការ និងសេណារីយ៉ូកំណើនសេដ្ឋកិច្ច ហើយខិតខំសម្រេចគោលដៅកំណើនសេដ្ឋកិច្ច-សង្គម ជាពិសេសគឺកំណើនសេដ្ឋកិច្ច ចំណូលថវិកា និងតម្លៃនាំចេញជាដើម។វិនិយោគិនទាំងអស់គួរតែផ្តោតលើការពន្លឿនល្បឿនសាងសង់សំណង់ដែលបម្រើដល់សន្និបាត APEC ២០២៧ និងបណ្តាគម្រោងវិនិយោគសាធារណៈផ្សេងទៀត។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានតម្រូវឲ្យបន្តពង្រឹងការគ្រប់គ្រងរដ្ឋលើវិស័យជាច្រើន។ ធានាសន្តិសុខ និងសណ្តាប់ធ្នាប់ ត្រួតពិនិត្យ និងដោះស្រាយទំនិញក្លែងក្លាយ និងរំលោភបំពានកម្មសិទ្ធិបញ្ញា។ មន្ទីរហិរញ្ញវត្ថុ រួមជាមយយនឹងអង្គភាពពាក់ព័ន្ធគួរតែផ្តោតលើការដោះស្រាយការលំបាក និងបញ្ហាទាក់ទិននៃគម្រោង និងអាជីវកម្មនានានៅលើភូមិសាស្ត្រខេត្ត។ មជ្ឈមណ្ឌលជំរុញវិនិយោគ - ពាណិជ្ជកម្ម និងទេសចរណ៍គួរតែបន្តរក្សាទម្រង់ "កាហ្វេអ្នកជំនួញ" ដើម្បីគាំទ្រជាប្រចាំដល់អាជីវកម្មតាមកាលកំណត់។
ក្នុងខែមិថុនា មូលដ្ឋាននានាបានបញ្ចប់ការធ្វើផែនការរួម និងផែនការបែងចែកតំបន់ បង្កើតផែនការផ្សព្វផ្សាយអនុវត្តផែនការរួមរបស់ខេត្ត ដើម្បីបំពេញភារកិច្ច។ គួរតែយកចិត្តទុកដាក់ផ្សព្វផ្សាយចំពោះគម្រោងសំខាន់ៗដូចជា៖ តំបន់ពាណិជ្ជកម្មសេរី តំបន់សេដ្ឋកិច្ចចំណូលទាប សេដ្ឋកិច្ចច្រកទ្វារព្រំដែន កម្មវិធីអភិវឌ្ឍន៍ទីក្រុង និងលំនៅដ្ឋានសង្គមជាដើម។
អំពីការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានតម្រូវឲ្យមូលដ្ឋាននានា សហការយ៉ាងជិតស្និទ្ធជាមួយមន្ទីរអប់រំ និងបណ្តុះបណ្តាល គាំទ្រដល់ទីតាំងប្រឡង។នគរបាលខេត្ត មន្ទីរសុខាភិបាល និងអង្គភាពផ្សេងៗទៀត គួរតែយកចិត្តទុកដាក់លើការត្រួតពិនិត្យសុវត្ថិភាពចរាចរណ៍និងសុវត្ថិភាពចំណីអាហារនៅក្នុងតំបន់ជុំវិញសាលារៀន និងទីតាំងប្រឡង ដោយធានាថាការប្រឡងប្រព្រឹត្តទៅដោយសុវត្ថិភាព ស្របតាមបទប្បញ្ញត្តិនិងមិនមានភាពអវិជ្ជមានណាមួយឡើយ។
យោងតាមរបាយការណ៍របស់មន្ទីរហិរញ្ញវត្ថុ ស្ថានភាពសេដ្ឋកិច្ចសង្គមនៅក្នុងខេត្តក្នុងរយៈពេលប្រាំខែដំបូងនៅលើភូមិសាស្ត្រខេត្តអានយ៉ាងបានមានកំណើនស្ថិរភាពជាបន្ត។ ផលិតកម្មកសិកម្មបានកើនឡើងបន្ត បរិមាណផល និងចិញ្ចឹមមច្ឆជាតិកើនឡើង ៧,០៦% បើប្រៀបធៀបទៅនឹងដំណាលពេលនេះឆ្នាំមុន សកម្មភាពផលិតឧស្សាហកម្មបានបង្ហាញពី និន្នាការកំណើនវិជ្ជមាន និងសន្ទស្សន៍ផលិតឧស្សាហកម្ម (IIP) កើនឡើង ១៣,៤០% បើប្រៀបធៀបទៅនឹងរយៈពេលនេះឆ្នាំមុន។ ការលក់រាយសរុបនៃទំនិញនិងប្រាក់ចំណូលពីសេវាកម្មប្រើប្រាស់បានកើនឡើង ២២,៦៥% បើប្រៀបធៀបទៅនឹងដំណាលពេលនេះឆ្នាំមុន។ ទុនកៀរគរសរុបរបស់អង្គការឥណទានកើនឡើង ៦,៧៣% បើប្រៀបធៀបនឹងចុងឆាំ្ន២០២៥។ ចំនួនអាជីវកម្មដែលបង្កើតថ្មីបានកើនឡើង ៥៤,១២%។ ចំនួនភ្ញៀវទេសចរនៅលើភូមិសាស្ត្រខេត្តបានកើនឡើង ១២,១% បើប្រៀបធៀបទៅនឹងដំណាលពេលនេះឆ្នាំមុន (ក្នុងនោះភ្ញៀវទេសចរអន្តរជាតិបានកើនឡើង៤៨,៤% បើប្រៀបធៀបទៅនឹងដំណាលពេលនេះឆ្នាំមុន)។ ចំណូលថវិការដ្ឋ និងបញ្ចេញថវិកាទុនវិនិយោគសាធារណៈបានពន្លឿន។
ការងាររៀបចំផែនការនៅតែរក្សាផ្សព្វផ្សាយអនុវត្តជាបន្ត ដោយធានាបាននូវល្បឿនជាមូលដ្ឋាន ក្នុងការបញ្ចប់ផែនការបែងចែកតំបន់ រៀបចំផែនការទីក្រុងរួម និងផែនការរួមក្នុងការកសាងជនបទក្នុងទិសដៅស្របគ្នា និងឯកភាពជាមួយផែនការខេត្ត។ ផ្សព្វផ្សាយគម្រោងសំខាន់ៗកំពុងត្រូវបានអនុវត្ត រួមជាមួយនឹងការរៀបចំវិនិយោគ និងការវាយតម្លៃគម្រោង ដែលកំពុងត្រូវបានអនុវត្តជាបន្ទាន់។ទាក់ទាញការវិនិយោគ និងដោះស្រាយការលំបាកសម្រាប់អាជីវកម្ម និងវិនិយោគគិននៅលើភូមិសាស្ត្រខេត្តកំពុងបានផ្សព្វផ្សាយយ៉ាងសកម្ម ជាពិសេសរៀបចំសន្និបាតប្រកាសផែនការ និងជំរុញការវិនិយោគខេត្តអានយ៉ាងឆ្នាំ ២០២៦ ដោយជោគជ័យ។
សុខាភិបាល អប់រំ និងសន្តិសុខសង្គមនៅតែបន្តទទួលបានការយកចិត្តទុកដាក់។ ការងារថែទាំអនុវត្តគោលនយោបាយ និងរបបសម្រាប់អ្នកមានសគុណបានផ្សព្វផ្សាយទាន់ពេល និងមានប្រសិទ្ធភាពតាមផែនការត្រឹមត្រូវ។សន្តិសុខនយោបាយនិងការពារជាតិស្ថិរភាព សណ្តាប់ធ្នាប់ និងសុវត្ថិភាពសង្គមបានធានា។ ទំនាក់ទំនងការទូតបានរក្សារឹងមាំ។ កសាងអាជ្ញាធរ កំណែទម្រង់រដ្ឋបាលសម្រេចបានលទ្ធផលវិជ្ជមានជាច្រើន។
ទៅទន្ទឹមនិងនោះ ការដឹកនាំ និងការណែនាំក្នុងការធ្វើឲ្យជាក់លាក់សេចក្តីសម្រេចចិត្តរបស់ការិយាល័យនយោបាយ និងបណ្តាកម្មវិធីសកម្មភាពរបស់គណៈកម្មាធិការបក្សខេត្ត និងគណៈកម្មាធិការបក្សនៃគណកម្មាធិការប្រជាជនខេត្តបានផ្សព្វផ្សាយអនុវត្តស្របគ្នា។ ជាពិសេស ខេត្តបានផ្តោតលើការពន្លឿនការបញ្ចប់ឯកសារច្បាប់ ការប្រគល់ផ្ទៃរាប និងធានាសម្ភារៈហេដ្ឋារចនាសម្ព័ន្ធសំខាន់ៗសម្រាប់សំណង់សំខាន់ៗចំនួន ២១ ដើម្បីត្រៀមសម្រាប់សន្និបាត APEC ២០២៧ ដែលនឹងប្រារព្ធឡើងនៅតំបន់ភូក្វឹក៕
ប្រែ៖ ណារីពៅ
