យោងតាមមន្ទីរទេសចរណ៍ខេត្តអានយ៉ាង ក្នុងរយៈពេលបួនខែដំបូងនៃឆ្នាំ ២០២៦ ខេត្តបានសន្និដ្ឋានថាទទួលភ្ញៀវទេសចរបានជាង១០,៨ លាននាក់មកទស្សនាលេងកម្សាន កើនឡើង ១៤,១% បើប្រៀបធៀបទៅនឹងរយៈពេលនេះឆ្នាំមុន ដែលសម្រេចបាន ៤៣,៣% ផែនការឆ្នាំ ក្នុងនោះ មានភ្ញៀវទេសចរអន្តរជាតិជាង ១ លាននាក់ កើនឡើង ៥៨,៨%។ ប្រាក់ចំណូលជាសរុបពីទេសចរណ៍តាមការសន្និដ្ឋាន ប្រមាណជាង ២៧.៨៨៨ ពាន់លានដុង កើនឡើង ៤៦,៤%។

ដើម្បីជំរុញវិស័យទេសចរណ៍ និងការប្រើប្រាស់ ដើម្បីរួមចំណែកក្នុងការអនុវត្តគោលដៅកំណើនសេដ្ឋកិច្ចពីរខ្ទង់ មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាង នឹងរៀបចំពិធីបុណ្យទេសចរណ៍ និងម្ហូបអាហាររ៉ាច់យ៉ា លើកទី ២ រួមបញ្ចូលនឹងផ្សារណាត់ជំរុញពាណិជ្ជកម្ម និងពិព័រណ៍ផលិតផល OCOP ក្នុងឆ្នាំ ២០២៦។

នៅថ្ងៃទី១៨ ខែមីនា នៅទីក្រុងកូឡាឡាំពួរ (ប្រទេសម៉ាឡេស៊ី) គណៈប្រតិភូទេសចរមកពីតំបន់នានាក្នុងតំបន់វាលរាបទន្លេគឺវឡុងបានចូលរួមសន្និបាតជំរុញនិងផ្សព្វផ្សាយទេសចរណ៍ដើម្បីបង្កើនការតភ្ជាប់ទីផ្សារអន្តរជាតិ ជាពិសេសគឺតំបន់អាស៊ាន។

ថ្ងៃទី ៧ ខែមីនា គណៈកម្មាធិការប្រជាជនខេត្តបានរៀបចំការពិនិត្យហេដ្ឋារចនាសម្ព័ន្ធភ្ជាប់តំបន់ទេសចរណ៍ភ្នំពពាល។ គណៈប្រតិភូដឹកនាំដោយលោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាបក្សខេត្ត និងប្រធានគណៈកម្មាធិការប្រជាជនខេត្ត ជាប្រធានក្រុម។ ចូលរួមជាមួយក៏មានលោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត និងថ្នាក់ដឹកនាំមន្ទីរ គណៈ ផ្នែកខេត្ត។

នៅថ្ងៃទី៨ ខែមីនា នៅឧទ្យានភ្នំពពាល គណៈកម្មាធិការប្រជាជនខេត្តអានយ៉ាង បានរៀបចំសន្និបាតស្តីពីការអភិវឌ្ឍទេសចរណ៍នៅភ្នំពពាល ក្រោមប្រធានបទ "ស្ថានភាពនិងការតម្រង់អភិវឌ្ឍទេសចរណ៍នៅភ្នំពពាល ខេត្តអានយ៉ាង"។ សន្និបាត ដឹកនាំដោយលោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្ត។ អញ្ជើញចូលរួមក៏មានលោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង ថ្នាក់ដឹកនាំមន្ទីរផ្នែកពាក់ព័ន្ឋថ្នាក់ខេត្ត និងសារជីវកម្មធ្វើអាជីវកម្មសេវាកម្មទេសចរណ៍ និងដំណើរទីឆ្ងាយផងដែរ។

នៅយប់ថ្ងៃទី ០៧ ខែមីនា លោក ហូ វ៉ាន់ ម៉ឹង សមាជិកគណៈកម្មាធិការមជ្ឈិមបក្ស អនុលេខាគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្ត បានអញ្ជើញចូលរួម ពិធីបុណ្យបណ្តែតប្រទីបនៅភ្នំពពាល លើកទី២ ឆ្នាំ២០២៦ ដែលប្រារព្ធឡើងនៅឃុំភ្នំពពាល(នុយកាំ)។ ក៏មានការអញ្ជើញចូលរួមពីលោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្ត និងថ្នាក់ដឹកនាំមន្ទីរ គណៈ ផ្នែកនានារបស់ខេត្តផងដែរ។

នៅយប់ថ្ងៃទី ០៣ ខែ មីនា នៅឧទ្យាន ត្រាន់ហូវ គណៈកម្មាធិការប្រជាជនសង្កាត់ ហាទៀន បានរៀបចំកម្មវិធីសិល្បៈ ពិធីបុណ្យកាំជ្រួចផ្កា និងពិធីបណ្តែតប្រទីបអបអរសាទរខួប ២៩០ឆ្នាំ បង្កើតសមាគមកំណាព្យជៀវអាញ់កាក (១៧៣៦ - ២០២៦)។

យោងតាមមន្ទីរទេសចរណ៍ខេត្តអានយ៉ាង ក្នុងឱកាសបុណ្យចូលឆ្នាំថ្មី ឆ្នាំមមី ឆ្នាំ២០២៦ ដែលមានរយៈពេលចាប់ពីថ្ងៃទី២៧ ខែ ១២ ច័ន្ទគតិ ដល់ថ្ងៃទី៦ ខែទី១ ច័ន្ទគតិ (ថ្ងៃទី១៤ កុម្ភៈ ដល់ថ្ងៃទី២២ ខែកុម្ភៈ) ខេត្តបានស្វាគមន៍ភ្ញៀវទេសចរជាង ១,៧លាននាក់ មកទស្សនាកម្សាន កើនឡើង ៣៧,៣% បើប្រៀបធៀបនឹងរយៈពេលនេះឆ្នាំមុន។ ប្រាក់ចំណូលសរុបសម្រាប់វិស័យទេសចរណ៍សម្រេចបានប្រមាណចំនួនជាង ២,៦២២ ពាន់លានដុង កើនឡើង ៣៩%។

យោងតាមមន្ទីរទេសចរណ៍ខេត្តអានយ៉ាងបានឲ្យដឹងថា អស់រយៈពេល ៤ ថ្ងៃឈប់សម្រាកបុណ្យចូលឆ្នាំ សកលឆាំ្ន ២០២៦ (ចាប់ពីថ្ងៃទី ១ ដល់ថ្ងៃទី ៤ ខែមករា) អានយ៉ាងទទួលភ្ញៀវទេសចរបានចំនួន ៣៤៨.៧៧៨ នាក់តាមការសន្និដ្ឋាន កើនឡើង ៥២,៥% បើប្រៀបធៀបនឹងដំណាលពេលនេះឆ្នាំមុន។ ប្រាក់ចំណូលជាសរុបពីទេសចរណ៍សម្រេចបាន ៨៥៩ ពាន់លានដុង កើនឡើង ៧១,២% បើធៀបទៅនឹងដំណាលពេលនេះឆ្នាំមុន។

ថ្ងៃទី ២៣ ខែធ្នូ នៅសង្កាត់ចូវដុក (ខេត្តអានយ៉ាង) មជ្ឈមណ្ឌលជំរឿនកសិកម្មអានយ៉ាងបាន សហការជាមួយអង្គការអភិរក្សធម្មជាតិពិភពលោក (IUCN) រៀបចំសិក្ខាសាលាបូកសរុបគម្រោង "អភិវឌ្ឍខ្សែសង្វាក់តម្លៃដោយចីរភាពសម្រាប់ផលិតផលពីសូត្រឈូកនៅវៀតណាម ដើម្បីគាំទ្រយុទ្ធសាស្ត្រស្តុកទឹកសម្រាប់តំបន់វាលរាបទន្លេគឺវឡុង" ក្នុងឆ្នាំ ២០២៥។

ឆ្នាំ ២០២៦ អានយ៉ាងនឹងជំរុញខ្លាំងការអភិវឌ្ឍទេសចរណ៍ក្លាយជាវិស័យសេដ្ឋកិច្ចសំខាន់មួយដែលមានពាណិជ្ជសញ្ញារឹងមាំ កម្លាំងប្រកួតប្រជែងខ្ពស់ ភ្ជាប់ទៅនឹងការផ្លាស់ប្តូរឌីជីថល កំណើនបៃតង និងសមាហរណកម្មអន្តរជាតិ។ ខេត្តកមពុងវិនិយោគលើវិស័យទេសចរណ៍ក្នុងលក្ខណៈស៊ីជម្រៅ និងជំនាញជាងមុន ព្រមទាំងពន្លឿនការត្រៀមបម្រុងស្វាគមន៍ព្រឹត្តិការណ៍លំដាប់អន្តរជាតិ៖ សន្និបាត APEC ២០២៧ នៅតំបន់ពិសេសភូក្វឹក។

ព្រឹកថ្ងៃទី ៥ ខែធ្នូ នៅទីសក្ការៈបូជាអាទិទេពសមុទ្ទខាងត្បូងឡៃសឺន មន្ទីរវប្បធម៌ និងកីឡាខេត្តអានយ៉ាង បានសហការជាមួយគណៈកម្មាធិការប្រជាជនតំបន់ពិសេសគៀនហៃ រៀបចំពិធីបូជាអាទិទេព ដោយមានការចូលរួមពីប្រជាជននិងអ្នកទេសចរយ៉ាងច្រើនកុះករ។

ព្រឹកថ្ងៃទី ២ ខែធ្នូ នាយកដ្ឋានទេសចរណ៍ជាតិវៀតណាម បានសហការជាមួយមន្ទីរទេសចរណ៍ខេត្តអានយ៉ាង រៀបចំសិក្ខាសាលា"អភិវឌ្ឍទេសចរណ៍សហគមន៍ដោយចីរភាពនៅតំបន់ជនជាតិភាគតិច និងតំបន់ភ្នំ" ដោយមានការចូលរួមពីប្រតិភូជាង ១០០ នាក់ តំណាងឲ្យអាជីវកម្មទេសចរណ៍ និងជនរួមជាតិភាគតិចនៅក្នុងខេត្ត។

ក្នុងរយៈពេល២ថ្ងៃទី ២៧ និង ២៨ ខែវិច្ឆិកា មជ្ឈមណ្ឌលជំរុញវិនិយោគ ពាណិជ្ជកម្ម និងទេសចរណ៍ខេត្តអានយ៉ាង សហការជាមួយសមាគមទេសចរណ៍វៀតណាម សមាគមទេសចរណ៍តំបន់វាលរាបទន្លេគឺវឡុង និងបណ្តាក្រុមហ៊ុនទេសចរណ៍បានរៀបចំកម្មវិធី Famtrip អន្តរជាតិ ដើម្បីសិក្សាស្រាវជ្រាវតំបន់និងគោលដៅទេសចរណ៍ជាពិសេសរបស់ខេត្ត។ គណៈប្រតិភូរួមមានតំណាងក្រុមហ៊ុនទេសចរណ៍ សារព័ត៌មាន និងដៃគូឃោសនាមកពីប្រទេសហ្វីលីពីន ម៉ាឡេស៊ី និងទីផ្សារសក្តានុពលមួយចំនួនទៀត។

នាព្រឹកថ្ងៃទី ៥ ខែវិច្ឆិកា នៅច្រាំងទន្លេ កៃឡឹន ឃុំ ហ្គោក្វាវ គណៈកម្មាធិការប្រជាជនខេត្តអានយ៉ាង បានប្រារព្ធពិធីបើកមហោស្រពវប្បធម៌ កីឡា និងទេសចរណ៍ខ្មែរខេត្តអានយ៉ាងលើកទី ១៧ ឆ្នាំ ២០២៥។ អញ្ជើញចូលរួមពិធីនេះមានលោក ឡាំមីញថាញ់ អនុលេខាបក្ខភាគខេត្តអានយ៉ាង។ លោក ង្វៀនថាញ់ផុង សមាជិកគណៈអចិន្ត្រៃយ៍បក្ខភាគខេត្ត អនុប្រធានប្រចាំការគណៈកម្មាធិការប្រជាជនខេត្ត។ លោក ឡេវ៉ាន់ភឿកនិងលោក ឡេទ្រុងហូ អនុប្រធានគណៈកម្មាធិការប្រជាជនខេត្ត។គណៈអចិន្ត្រៃយ៍បក្ខភាគខេត្ត និងបណ្តាមន្ទីរ គណៈ ផ្នែកខេត្ត។

មោទនភាពអំពីរបរធ្វើអំបុកប្រពៃណី ក្នុងឱកាសអកអំបុកឆាំ្ននេះ អាជ្ញាធរមូលដ្ឋានជុំ អូរឡឹម (ខេត្តអានយ៉ាង) បានបង្កើតបរិយាកាស បុកអំបុកដ៏អ៊ូអរក្នុងសហគមន៍ ណែនាំពីលក្ខណៈពិសេសនៃរបរផងនិងទាំងសង្ឃឹមថា បើកចេញនូវកន្លែងលេងវប្បធម៌ដែលអាចរក្សាបានជាប្រចាំដើម្បីស្វាគមន៍ភ្ញៀវទេសចរមកទស្សនាឃុំវីរៈភាពផង។

ព្រឹកថ្ងៃទី ១៨ តុលា គណៈកម្មការរៀបចំពិធីបុណ្យប្រពៃណីរម្លឹកខួបលើកទី ១៥៧ ឆាំ្នទិវាវីរៈបុរសជាតិ ង្វៀនទ្រុងទ្រឹក ពលីកម្ម(១៨៦៨ - ២០២៥) បានរៀបចំពិធីបូជាធូបនៅឧទ្យានវិមានង្វៀនទ្រុងទ្រឹក។

អានយ៉ាងតែងតែទាក់ទាញភ្ញៀវទេសចរដោយភាពប្លែកពិសេស និងភាពទាក់ទាញរបស់ធម្មជាតិ បេតិកភណ្ឌ បរិយាកាសវប្បធម៌។ល។ ដើម្បី “ផ្នែកឧស្សាហកម្មគ្មានផ្សែង" ក្លាយជាកម្លាំងចលករសម្រាប់ការអភិវឌ្ឍសេដ្ឋកិច្ច ខេត្តខិតខំលើកកម្ពស់គុណភាពទម្រង់និងផលិតផលទេសចរណ៍ជាលំដាប់ជាតិនិងអន្តរជាតិ។

ពីកោះមួយចោលទំនេរ ភូក្វុក ក្លាយជាតំបន់ពិសេសអភិវឌ្ឍន៍យ៉ាងស្វាហាប់ ដោយមានគោលដៅជាមជ្ឈមណ្ឌលសេវាកម្ម ទេសចរណ៍ធម្មជាតិគុណភាពខ្ពស់ ទេសចរណ៍សមុទ្ទ និងកោះលំដាប់ជាតិនិងអន្តរជាតិ ត្រៀមជាស្រេចសម្រាប់ព្រឹត្តិការណ៍ទ្រង់ទ្រាយធំនៃកិច្ចប្រជុំកំពូល APEC ឆ្នាំ ២០២៧។

ថ្ងៃទី ៩ ខែកញ្ញា មន្ទីរវប្បធម៌ និងកីឡាបានឲ្យដឹងថា ពីធីប្រណាំងគោបៃនូយដណ្តើមគុបទូរទស្សន៍អានយ៉ាង លើកទី ៣០ ឆ្នាំ ២០២៥ ដែលរៀបចំដោយមន្ទីរវប្បធម៌ និងកីឡាសហការជាមួយកាសែតនិងវិទ្យុ-ទូរទស្សន៍អានយ៉ាង និងគណៈកម្មាធិការប្រជាជនឃុំទ្រីតូននោះ នឹងប្រព្រឹត្តទៅនៅថ្ងៃទី ២០ ខែកញ្ញា នៅលានប្រណាំងគោឃុំទ្រីតូន (តំបន់ពហុកីឡា-ទេសចរណ៍តាប៉ា - ស្វាយចេក)។