ថ្ងៃទី១០ ខែមិថុនា គណៈកម្មាធិការប្រជាជនខេត្ត បានរៀបចំសន្និបាតផ្សព្វផ្សាយកម្មវិធីគោលដៅជាតិស្តីពីការកសាងជនបទថ្មី កាត់បន្ថយភាពក្រីក្រដោយចីរភាព និងអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំក្នុងដំណាក់កាល០២៦-២០៣៥ ដំណាក់កាលទី១៖ ពីឆ្នាំ២០២៦ ដល់ ២០៣០ នៅខេត្តអានយ៉ាង។ សន្និបាតនេះ ដឹកនាំដោយលោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត និងជាអនុប្រធានគណៈកម្មការដឹកនាំកម្មវិធីគោលដៅជាតិខេត្ត។ សន្និបាតបានភ្ជាប់តាមអនឡាញទៅកាន់ឃុំ សង្កាត់ និងតំបន់ពិសេសចំនួន ១០២។
ក្នុងដំណាក់កាល ២០២៦-២០៣០ ខេត្តអានយ៉ាងសម្រេចបានគោលដៅកសាងជនបទថ្មីទំនើប វិបុលភាព ស្រស់ស្អាត ប្លែក និងប្រកបដោយចីរភាព ដោយភ្ជាប់ជាមួយនឹងនគរូបនីយកម្ម និងសម្របខ្លួនទៅនឹងការប្រែប្រួលអាកាសធាតុ ដោយអភិវឌ្ឍន៍តំបន់ជនជាតិភាគតិច និងតំបន់ភ្នំឲ្យគ្រប់ជ្រុងជ្រោយ អនុវត្តការកាត់បន្ថយភាពក្រីក្រពហុវិមាត្រ រួមបញ្ចូល ចីរភាព ធានាសន្តិសុខសង្គម។
យោងតាមផែនទីបង្ហាញផ្លូវជាក់លាក់ ខេត្តខិតខំធ្វើឲ្យឃុំសង្កាត់សម្រេចបានស្តង់ដារជនបទថ្មី (ឃុំសង្កាត់ចំនួន ៨៥/៨៥) ១០០% នៅឆ្នាំ ២០៣០។ ជាពិសេសក្នុងឆ្នាំ ២០២៦ នេះ នឹងផ្តោតលើធនធាននាំឃុំចំណុចចំនួន ១៣ ឲ្យសម្រេចបានស្តង់ដារតាមលក្ខណៈវិនិច្ឆ័យដំណាក់កាល ២០២៦-២០២៣។ យ៉ាងហោចណាស់ក៏មានឃុំសង្កាត់ចំនួន ៩ សម្រេចបានស្តង់ដារជនបទថ្មីទំនើប។ ទន្ទឹមនិងនោះ គោលដៅកាត់បន្ថយភាពក្រីក្រពហុវិមាត្រថយចុះពី ០,៣% ឡើងទៅក្នុងមួយឆ្នាំនៅក្នុងខេត្តទាំងមូល។ ដោយឡែកនៅតំបន់ជនជាតិភាគតិច និងតំបន់ភ្នំ កាត់បន្ថយពី ០,៣% ទៅ ០,៥% ក្នុងមួយឆ្នាំ ដោយប្តេជ្ញានាំឃុំសង្កាត់ចំនួន ១២ និងភូមិចំនួន ៧០ ឲ្យចាកផុតពីស្ថានភាពក្រីក្រពិសេស។
ដើម្បីធ្វើឲ្យគោលដៅខាងលើកាន់តែច្បាស់លាស់ មន្ទីរកសិកម្ម និងបរិស្ថាន រួមជាមួយមន្ទីរជនជាតិ និងសាសនា បានផ្សព្វផ្សាយខ្លឹមសារលម្អិតនៃសមាសធាតុ។ បណ្តាដំណោះស្រាយសំខាន់ៗរួមមាន៖ បញ្ចប់ការរៀបចំផែនការព្រមៗគ្នា។ អភិវឌ្ឍន៍ហេដ្ឋារចនាសម្ព័ន្ធសេដ្ឋកិច្ចសង្គមភ្ជាប់នឹងតំបន់ជនបទ និងទីក្រុង។ រៀបចំរចនាវិស័យកសិកម្មក្នុងទិសដៅអេកូឡូស៊ី និងរង្វង់មូល។ លើកកម្ពស់គុណភាពសេវារដ្ឋបាលសាធារណៈ និងការលើកកម្ពស់ការផ្លាស់ប្តូរឌីជីថលតាមរយៈទម្រង់ "ភូមិឆ្លាតវៃ"។
ថ្លែងមតិណែនាំក្នុងសន្និបាត លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត បានតម្រូវឲ្យគ្រប់ថ្នាក់ គ្រប់ផ្នែកបន្តពិនិត្យឡើងវិញ និងកែលម្អប្រព័ន្ធយន្តការ គោលនយោបាយ ព្រមទាំងចេញឯកសារណែនាំពេញលេញសម្រាប់ការអនុវត្តកម្មវិធីតាមរបៀបធ្វើសមកាលកម្ម ឯកភាព ងាយស្រួលអនុវត្ត ស្របតាមទម្រង់អង្គការរដ្ឋបាលពីរថ្នាក (ខេត្ត និងឃុំ)។
ការអនុវត្តមានប្រសិទ្ឋភាព និងការរួមបញ្ចូលគ្នាកម្មវិធីគោលដៅជាតិស្របគ្នា ដូចជា៖ ទំនើបកម្ម លើកកម្ពស់គុណភាពអប់រំ និងបណ្តុះបណ្តាល។ ការអភិវឌ្ឍវប្បធម៌ ការថែទាំសុខភាព ប្រជាជន និងការអភិវឌ្ឍ។ ការបង្ការ និងទប់ស្កាត់គ្រឿងញៀនជាដើមដើម្បីគាំទ្រដល់ការសម្រេចបាននូវគោលដៅកម្មវិធីអភិវឌ្ឍន៍ជនបទថ្មី ដោយធានាថាឃុំនានានៅលើផែនទីបង្ហាញផ្លូវសម្រាចបានលក្ខណៈវិនិច្ឆ័យដែលបានកំណត់។
រៀបចំអនុវត្តកម្មវិធីក្នុងទិសដៅខ្នូលពីពង្រីកវិសាលភាព និងបរិមាណ ទៅជាការលើកកម្ពស់គុណភាព ប្រសិទ្ធភាព និងនិរន្តរភាពនៃការអភិវឌ្ឍជនបទថ្មី កាត់បន្ថយភាពក្រីក្រដោយចីរភាពតាមរយៈវិធីសាស្រ្តពហុវិមាត្រ និងអភិវឌ្ឍន៍សេដ្ឋកិច្ចសង្គមក្នុងតំបន់ជនជាតិភាគតិច និងតំបន់ភ្នំ។
បន្តជំរុញខ្លាំងការអភិវឌ្ឍសេដ្ឋកិច្ចជនបទក្នុងទីសដៅបង្កើនតម្លៃ និងចីរភាព។ ណែនាំ និងគាំទ្រដល់ការអភិវឌ្ឍផលិតផល OCOP ទេសចរណ៍កសិកម្ម/ទេសចរណ៍អេកូឡូស៊ី/ទេសចរណ៍សហគមន៍ពិសេសដែលភ្ជាប់ទៅនឹងចំណុចខ្លាំងរបស់មូលដ្ឋាន និងតំបន់នីមួយៗ ក្នុងទិសដៅបៃតង និងចីរភាព។ លើកទឹកចិត្តដល់ការផ្លាស់ប្តូរឌីជីថលស្របតាមបទប្បញ្ញត្តិ ដើម្បីគាំទ្រ និងលើកកម្ពស់ការអភិវឌ្ឍសេដ្ឋកិច្ចជនបទក្នុងទិសដៅបៃតង និងចីរភាព។
ពង្រីកតួនាទីប្រធានកម្មរបស់ប្រជាជន និងអាជីវកម្មក្នុងដំណើរការកសាងជនបទថ្មី។ បង្កើនការអធិការកិច្ច ការត្រួតពិនិត្យ និងការវាយតម្លៃការអនុវត្តកម្មវិធីនៅបណ្តាថ្នាក់ និងបន្តាផ្នែក។ ធ្វើវិមជ្ឈការ និងផ្តល់អំណាចដល់ថ្នាក់ឃុំ និងសហគមន៍ប្រជាជនផ្សារភ្ជាប់នឹងយន្តការត្រួតពិនិត្យ វាយតម្លៃដែលមានតម្លាភាព និងការទទួលខុសត្រូវច្បាស់លាស់។ ជំរុញខ្លាំងការអនុវត្តបច្ចេកវិទ្យាព័ត៌មាន ការផ្លាស់ប្តូរឌីជីថល កសាងមូលដ្ឋានទិន្នន័យ និងប្រព័ន្ធព័ត៌មានគ្រប់គ្រងកម្មវិធី។
ពង្រីកតួនាទីរបស់គណៈកម្មាធិការរណសិរ្សមាតុភូមិវៀតណាមខេត្ត និងអង្គការនយោបាយ - សង្គមក្នុងការឃ្លាំមើល រិះគន់សង្គម និងប្រមូលមតិយោបល់លើកម្រិតពេញចិត្តរបស់ប្រជាជន។ ផ្តល់រង្វាន់ទាន់ពេលវេលាដល់សមូហភាព និងបុគ្គលដែលមានស្នាដៃល្អ។ ទន្ទឹមនិងនោះ បង្ការទប់ស្កាត់ រកឃើញយ៉ាងសកម្ម និងដោះស្រាយយ៉ាងតឹងរ៉ឹងនូវអាកប្បកិរិយាអវិជ្ជមាន ខ្ជះខ្ជាយ និងការរំលោភបំពានក្នុងអំឡុងពេលអនុវត្តកម្មវិធី។
អំពីភារកិច្ចជាក់លាក់ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្ត បានណែនាំដល់មន្ទីរកសិកម្ម និងបរិស្ថាន ឲ្យផ្តល់យោបល់ជាបន្ទាន់លើការពង្រឹងគណៈកម្មការដឹកនាំកម្មវិធី និងស្ថាប័នប្រចាំការ មុនថ្ងៃទី ២០ ខែមិថុនា និងផ្តល់យោបល់លើការរៀបចំបទប្បញ្ញត្តិស្តីពីគោលការណ៍ លក្ខណៈវិនិច្ឆ័យ បទដ្ឋានបែងចែកទុន និងផែនការបែងចែកប្រភពទុនសម្រាប់ឆ្នាំ ២០២៦ដំណាក់កាល ២០២៦-២០៣០។
មន្ទីរជនជាតិ និងសាសនា ដឹកនាំអនុវត្តសមាសភាគទីពីរឲ្យមានប្រសិទ្ធភាព ដោយសហការស្នើគោលនយោបាយឥណទានសង្គមតំបន់ជនជាតិភាគតិច និងតំបន់ភ្នំ។ មន្ទីរហិរញ្ញវត្ថុ ទទួលខុសត្រូវក្នុងការវាយតម្លៃផែនការសម្រាប់ការបែងចែកប្រភពទុននៅសល់នៃថវិកាខេត្តដែលបន្តរហូតមកដល់ឆ្នាំ ២០២៦ និងផ្តល់យោបល់លើការធ្វើឲ្យមានតុល្យភាព និងការបែងចែកថវិកាសមភាគីពីថវិកាខេត្ត។
ចំពោះគណៈកម្មាធិការប្រជាជនឃុំ សង្កាត់ និងតំបន់ពិសេស លោកអនុប្រធានគណៈកម្មាធិការប្រជាជនខេត្ត បានតម្រូវឲ្យរៀបចំផែនការអនុវត្តជាក់លាក់សម្រាប់ដំណាក់កាលនីមួយៗ និងជារៀងរាល់ឆ្នាំ ដោយធ្វើឲ្យមានតុល្យភាពថវិកាថ្នាក់ឃុំ ដោយជៀសវាងការកៀរគរធនធានច្រើនពេកពីប្រជាជន និងជៀសវាងកើតមានបំណល់សាងសង់ជាមូលដ្ឋាន ព្រមទាំងចាត់តាំងសមាជិកឲ្យតាមដាន និងអនុវត្តលក្ខណៈវិនិច្ឆ័យយ៉ាងដិតដល់ត្រឹមត្រូវតាមផែនទីបង្ហាញផ្លូវដែលបានកំណត់៕
ប្រែ៖ ណារីពៅ
