នៅព្រឹកថ្ងៃទី ៦ ខែមេសា សមមិត្ត ត្រាន់ ធីថាញហឿង អនុលេខាបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានទៅសួរសុខទុក្ខ និងជូនពរឆ្នាំថ្មី ឆ្នាំ ២០២៦ នៅតាមវត្តអារាមខ្មែរថេរវាទនៅក្នុងឃុំទ្រីតូន និងឃុំអូរឡឹម។
ទៅសួរសុខទុក្ខ និងជូនពរឆ្នាំថ្មីនៅតាមវត្តតាប៉ា ស្វាយសឃុំទ្រីតូន និងវត្តស្រឡូង ឃុំអូរឡឹម តាងនាមបក្សខេត្ត ក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត និងគណៈកម្មាធិការរណសិរ្សមាតុភូមិវៀតណាមខេត្តអានយ៉ាង សមមិត្ត ត្រាន់ ធីថាញហឿង អនុប្រធានបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានសួរសុខទុក្ខ និងជូនពរឆ្នាំថ្មីដល់ព្រះឧបឃ្ឈាយ៍ ព្រះមហាថេរ ព្រះតេជគុណ ព្រះសង្ឃ និងប្រជាជនខ្មែរ ទទួលឆាំ្នថ្មីរីករាយ កក់ក្តៅ និងសុភមង្គល។
សមមិត្ត ត្រាន់ ធីថាញហឿង បានកត់ត្រាទទួលស្គាល់នូវការរួមចំណែករបស់ព្រះឧបឃ្ឈាយ៍ ព្រះមហាថេរ ព្រះតេជគុណ ព្រះសង្ឃ និងជនរួមជាតិខ្មែរគ្រប់រូបក្នុងការកសាងធ្លុងមហាសាមគ្គីប្រជាជាតិទាំងមូល និងការអភិវឌ្ឍមូលដ្ឋាន។
សមមិត្ត ត្រាន់ ធី ថាញ ហឿង អនុលេខាបក្ស ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាងសង្ឃឹមថាព្រះឧបឃ្ឈាយ៍ ព្រះចៅអធិការវត្ត ព្រះសង្ឃគ្រប់អង្គបន្តពង្រីកស្មារតីសាមគ្គីភាព ជាស្ពានតភ្ជាប់រវាងបក្ស អាជ្ញាធរនឹងជនរួមជាតិខ្មែរ។
ព្រមជាមួយគ្នានោះ បន្តរួមដំណើរជាមួយអាជ្ញាធរ រណសិរ្សមាតុភូមិ អង្គការមហាជនគ្រប់លំដាប់ថ្នាក់ ធ្វើល្អការងារឃោសនា និងចលនាប្រជាជនខ្មែរឲ្យអនុវត្តល្អគោលការណ៍ គោលនយោបាយរបស់បក្សនិងរដ្ឋ ដើម្បីថែរក្សា ការពារ និងលើកកម្ពស់តម្លៃវប្បធម៌ប្រពៃណីដ៏ល្អរបស់ជនជាតិវៀតណាមនិយាយរួមនិងរបស់ជនរួមជាតិខ្មែរនិយាយដោយឡែក។ ទន្ទឹមនិងនោះ ចូលរួមយ៉ាងសកម្មចលនា ប្រឡងប្រណាំងស្នេហាជាតិ ខិតខំធ្វើការ ផលិតកម្ម កសាងជនបទថ្មី អនុវត្តរបបសន្តិសុខសង្គមបានល្អ រួមជាមួយនឹងមូលដ្ឋានអនុវត្តមានដំណោះស្រាយការអភិវឌ្ឍសេដ្ឋកិច្ច - សង្គមមានប្រសិទ្ធភាព រួមចំណែកកសាងស្រុកកំណើតកាន់តែធូធា ស្រស់ស្អាត និងអារ្យធម៌។
ក្នុងឱកាសនេះ សមមិត្ត ត្រាន់ ធី ថាញ់ ហឿង អនុលេខាបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានផ្ញើសារជូនពរឆ្នាំថ្មីសម្រាប់បុណ្យចូលឆ្នាំថ្មី និងប្រគល់អំណោយដល់កម្មាភិបាលចូលនិវត្តន៍ និងគ្រួសារគោលនយោបាយជនជាតិខ្មែរលើភូមិសាស្ត្រឃុំទ្រីតូន និងឃុំអូរឡឹម៕
ប្រែ៖ សំណាង
