ថ្ងៃទី ២៩ ខែមេសា នៅតំបន់ឧស្សាហកម្មថាញ់ឡុក ឃុំថាញ់ឡុក (ខេត្តអានយ៉ាង) សហជីពកម្មករខេត្ត បានសហការជាមួយមន្ទីរមហាផ្ទៃខេត្តអានយ៉ាង ដើម្បីរៀបចំពិធីបំផុសខែកម្មករ និងខែសកម្មភាពស្តីពីសុវត្ថិភាព និងអនាម័យពលកម្ម ឆ្នាំ ២០២៦។
លោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្តអានយ៉ាង រួមជាមួយតំណាងមកពីអាជីវកម្ម និងកម្មាភិបាលសហជីពមូលដ្ឋានគំរូៗ ហើយនិងសមាជិកសហជីព និងកម្មករចំនួន ២០០ នាក់មកពីសហជីពសហគ្រាសនៅក្នុងតំបន់ឧស្សាហកម្មថាញ់ឡុក បានចូលរួមក្នុងព្រឹត្តិការណ៍នេះ។
ខែកម្មករ និងខែសកម្មភាពស្តីពីសុវត្ថិភាព និងអនាម័យពលកម្ម ឆ្នាំ២០២៦ នឹងប្រព្រឹត្តទៅចាប់ពីថ្ងៃទី១ ដល់ថ្ងៃទី៣១ ខែឧសភា ដោយប្រធានបទ “កម្មករវៀតណាម៖ នវានុវត្តន៍ និងការបង្កើនផលិតភាពពលកម្ម” និង “នវានុវត្តន៍គ្រប់គ្រង និងលើកកម្ពស់ប្រសិទ្ធភាពពលកម្មសុវត្ថិភាព និងអនាម័យពលកម្មក្នុងយុគសម័យឌីជីថល”។
ថ្លែងមតិនៅក្នុងពិធីនេះ លោក ដោត្រាន់ធីញ អនុប្រធានគណៈកម្មាធិការរណសិរ្សមាតុភូមិវៀតណាម ខេត្តអានយ៉ាង ប្រធានសហជីពខេត្តអានយ៉ាង បានមានប្រសាសន៍ថា ខែកម្មករឆ្នាំ២០២៦ នៅខេត្តអានយ៉ាង បានផ្សព្វផ្សាយដោយស្មារតីច្នៃប្រឌិត ជាក់ស្តែង ប្រសិទ្ធភាព ឆ្ពោះទៅមូលដ្ឋាន។ សកម្មភាពសំខាន់ៗជាច្រើននឹងត្រូវបានរៀបចំឡើងស្របគ្នា ដូចជា៖ កម្មវិធី “អរគុណដល់ពលករ" ការសន្ទនា ការសំណេះសំណាលគ្នារវាងពលករ និងថ្នាក់ដឹកនាំធុរកិច្ច និងអាជ្ញាធរ។ ថ្ងៃបុណ្យ "ដើម្បីសុខភាពពលករ" វេទិកា "សមាជិកសហជីពផ្តល់គំនិតក្នុងការកសាងសហជីព វៀតណាមក្នុងយុគសម័យថ្មី"។
សហព័ន្ធសហជីពខេត្តអានយ៉ាង បានណែនាំសហជីពគ្រប់លំដាប់ថ្នាក់ឲ្យផ្តោតលើធនធានថែទាំ និងគាំទ្រទាន់ពេលវេលាដល់សមាជិកសហជីព និងដែលស្ថិតក្នុងស្ថានភាពលំបាក អ្នកមានជំងឺធ្ងន់ធ្ងរ គ្រោះថ្នាក់ការងារ និងជំងឺវិជ្ជាជីវៈ។ ដោយឡែកថ្នាក់ខេត្តឧបត្ថម្ភ ២០០០ ចំណែក ដោយមានទឹកប្រាក់សរុបចំនួន ១ ពាន់លានដុងពី ប្រភពថវិកាសហជីព។ សមាជិកសហជីព និងពលករដែលត្រូវរងគ្រោះថ្នាក់ការងារ ជំងឺវិជ្ជាជីវៈ ឬជំងឺធ្ងន់ធ្ងរបានទទួលការគាំទ្រដោយផ្អែកលើចំនួនជាក់ស្តែងពីសហជីពមូលដ្ឋានស្នើសុំ ដោយមានកម្រិតគាំទ្រសម្រាប់សមាជិកសហជីពម្នាក់ ១ លានដុងនិងពលករម្នាក់ ៧០០.០០០ ដុងមួយចំណែក។
ថ្លែងមតិនៅក្នុងពិធីបំផុសខែកម្មករ និងខែសកម្មភាពស្តីពីសុវត្ថិភាព និងអនាម័យពលកម្ម ឆ្នាំ២០២៦ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានមានប្រសាសន៍ថា បន្ទាប់ពីការរៀបចំឡើងវិញ និងពង្រឹងអង្គការក្បាលម៉ាស៊ីន ខេត្តអានយ៉ាងបានខិតខំធ្វើឲ្យស្ថានភាពមានស្ថិរភាព រក្សាសន្ទុះកំណើន ជំរុញខ្លាំងការទាក់ទាញវិនិយោគ ស្តារ និងអភិវឌ្ឍផលិតកម្មអាជីវកម្ម តាមរយៈនោះ រួមចំណែកយ៉ាងសំខាន់ទៅក្នុងការដោះស្រាយការងារ និងធានាសន្តិសុខសង្គមសម្រាប់ពលករនៅលើភូមិសាស្ត្រ។
លោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្តអានយ៉ាង បានកត់ត្រាទទួលស្គាល់ និងវាយតម្លៃខ្ពស់ចំពោះកិច្ចខិតខំប្រឹងប្រែង និងរួមចំណែកដ៏សំខាន់របស់អង្គការសហជីព សហគមន៍ធុរកិច្ច និងសមាជិកសហជីពទាំងអស់ ចំពោះការអភិវឌ្ឍរួមរបស់ខេត្តក្នុងរយៈពេលកន្លង។
លោក ឡេ វ៉ាន់ ភឿក អនុប្រធានគណៈកម្មាធិការប្រជាជនខេត្តអានយ៉ាង បានស្នើសុំឲ្យសហជីពគ្រប់លំដាប់ថ្នាក់ សហគមន៍អាជីវកម្ម សមាជិកសហជីព និងកម្មករទាំងអស់នៅក្នុងខេត្ត បន្តរក្សាស្មារតីទទួលខុសត្រូវ និងផ្លាស់ថ្មីដោយខ្លាំងក្លា គ្រប់ជ្រុងជ្រោយជាងទៀតនូវខ្លឹមសារ និងវិធីសាស្រ្តសកម្មភាព ដើម្បីឆ្លើយតបតម្រូវការភារកិច្ចក្នុងស្ថានភាពថ្មី។
លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានអំពាវនាវដល់សមាជិកសហជីព កម្មករ កម្មាភិបាលទាំងអស់ឲ្យចូលរួមយ៉ាងសកម្មក្នុងខែកម្មករ និងខែសកម្មភាពស្តីពីសុវត្ថិភាព និងអនាម័យពលកម្ម ឆ្នាំ២០២៦ ដោយសកម្មភាពជាក់លាក់ ជាក់ស្តែង និងប្រសិទ្ធភាព រួមចំណែកជាមួយខេត្តទាំងមូលអនុវត្តជោគជ័យគោលដៅ ភារកិច្ចដែលបានកំណត់។
នៅក្នុងពិធីបំផុសនេះ សហជីពខេត្តប្រគល់ជំនួយចំនួន ២០០ ចំណែក(មួយចំណែកៗមានតម្លៃ ៥០០.០០០ ដុង) ដល់សមាជិកសហជីព និងពលករដែលស្ថិតក្នុងស្ថានភាពលំបាក។ ប្រគល់ការគាំទ្រដល់សមាជិកសហជីពសាងសង់និងជួសជុលផ្ទះ “ជម្រកកក់ក្តៅ” ចំនួន ៧ខ្នង ដោយមានថវិកាសរុប ៣០០ លានដុង។
ក្នុង ឱកាស នេះ គណៈកម្មាធិការប្រជាជនខេត្តបានប្រគល់ប័ណ្ណសរសើរដល់អង្គភាពចំនួន ១០ ដែលមានស្នាដៃឆ្នើមក្នុងការងារសុវត្ថិភាព និងអនាម័យពលកម្មឆ្នាំ ២០២៥។ សហជីពពលកម្មខេត្តបានប្រគល់ប័ណ្ណសរសើរដល់កម្មាភិបាលសហជីពថ្នាក់មូលដ្ឋានឆ្នើមចំនួន ២០ រូបសម្រាប់ការងារសន្ទនា និងនិងពិភាគ្សារួមគ្នា៕
ប្រែ៖ ណារីពៅ
