យោងតាមមន្ទីរទេសចរណ៍ខេត្តអានយ៉ាង ក្នុងរយៈពេលបួនខែដំបូងនៃឆ្នាំ ២០២៦ ខេត្តបានសន្និដ្ឋានថាទទួលភ្ញៀវទេសចរបានជាង១០,៨ លាននាក់មកទស្សនាលេងកម្សាន កើនឡើង ១៤,១% បើប្រៀបធៀបទៅនឹងរយៈពេលនេះឆ្នាំមុន ដែលសម្រេចបាន ៤៣,៣% ផែនការឆ្នាំ ក្នុងនោះ មានភ្ញៀវទេសចរអន្តរជាតិជាង ១ លាននាក់ កើនឡើង ៥៨,៨%។ ប្រាក់ចំណូលជាសរុបពីទេសចរណ៍តាមការសន្និដ្ឋាន ប្រមាណជាង ២៧.៨៨៨ ពាន់លានដុង កើនឡើង ៤៦,៤%។
ដោយលើសពីការរំពឹងទុកដំបូង វិស័យទេសចរណ៍អានយ៉ាងមានកំណើនលេចធ្លោនៅ ក្នុងប៉ុន្មានខែដំបូងនៃឆ្នាំ ២០២៦ នៅលើផែនទីទេសចរណ៍នៃ "តំបន់ដីនាគប្រាំបួន"។ យោងតាមននោះ ព្រឹត្តិការណ៍ និងពិធីបុណ្យបានទាក់ទាញភ្ញៀវទេសចរក្នុងនិងក្រៅប្រទេសមួយចំនួនធំ ដូចជា៖ បុណ្យចូលឆ្នាំថ្មីឆាំ្នមមីប្រពៃណីជាតិវៀតណាម ២០២៦ បុណ្យចូលឆ្នាំចិនឆ្នាំ ២០២៦ (ឆ្នាំសេះ) និង មហោស្រពក្លឹបកំណាព្យជីវអាញកាក (ហាទៀន)ជាដើម។ បណ្តាគោលដៅដូចជាតំបន់ទេសចរណ៍ជាតិភ្នំស្វាម តំបន់ទេសចរណ៍ភ្នំពពាល ព្រៃស្មាច់ត្រាស៊ឺ កោះភូក្វឹក ហនសឺន ណាមយូ ទៀនហៃ នាមដ្ឋានរ៉ាច់យ៉ា ហាទៀនជាដើម បានទាក់ទាញភ្ញៀវទេសចរមកទស្សនាកម្សានយ៉ាងច្រើន។
ភាពទាក់ទាញនៃវិស័យទេសចរណ៍អានយ៉ាងស្ថិតនៅលើការវេញបញ្ចូលគ្នារវាងទេសភាពធម្មជាតិ និងពិធីបុណ្យវប្បធម៌ពិសេសៗ រួមជាមួយនឹងផលិតផលទេសចរណ៍ សេវាកម្មគុណភាពនិងសុវត្ថិភាព។ បច្ចុប្បន្នខេត្តទាំងមូលមានកន្លែងស្នាក់នៅចំនួន ១.១៤៤ ជាមួយបន្ទប់ជាង ៣៩.១៥០ បន្ទប់ ឆ្លើយតបបំណងសម្រាកលំហែកាយចម្រុះចាប់ពីភាពប្រណីតរហូតដល់តម្លៃសមរម្យមធ្យម។ ជាពិសេសគឺតំបន់សេដ្ឋកិច្ចភូក្វឹក ល្បីដោយឆ្នេរខ្សាច់ស្អាតធម្មជាតិ ប្រព័ន្ធអេកូឡូស៊ីសមុទ្ទសម្បូរបែប ជាមួយនិងរមណីយដ្ឋានទំនើបៗ និងកន្លែងកម្សាន្តជាច្រើន។ នេះគឺជាគោលដៅទេសចរណ៍មួយដែលរួមបញ្ចូលគ្នានូវធម្មជាតិដ៏បរិសុទ្ធជាមួយនឹងសេវាកម្មលំដាប់ខ្ពស់ដែលបំពេញតម្រូវការចម្រុះរបស់អ្នកទេសចរ។ទន្ទឹមនិងនោះ ពន្ធនាគារភូក្វឹកគឺជាកេរតំណែលប្រវត្តិសាស្ត្រជាតិពិសេសមួយ ដែលជាកន្លែងបង្កើតឡើងវិញនូវ "ឋាននរកលោកីយ" ក្នុងសង្គ្រាម ជួយឲ្យភ្ញៀវទេសចរយល់កាន់តែច្បាស់អំពីការលះបង់ និងស្មារតីដ៏អង់អាចរបស់ប្រជាជនវៀតណាម។ ភូមិនេសាទហាមនិញ និងរ៉ាច់វេមជួយឲ្យភ្ញៀវទេសចរទទួលបានបទពិសោធន៍ពីអ្នកនេសាទ និងរីករាយជាមួយអាហារសមុទ្ទស្រស់ៗ។ វត្តហូក្វឹក និងវត្តយីញកូវ គឺជាគោលដៅទេសចរណ៍វិញ្ញាណល្បីឈ្មោះ ដែលពោពេញទៅដោយអត្តសញ្ញាណវប្បធម៌ក្នុងស្រុក។
បន្ទាប់មក ខេត្តអានយ៉ាងកំពុងជំរុញខ្លាំងការអនុវត្តបច្ចេកវិជ្ជាដើម្បីបង្កើនបទពិសោធន៍របស់ភ្ញៀវទេសចរ។ ខេត្តបានដាក់ឲ្យដំណើរការ website រួមបញ្ចូលកន្លែងកម្សាន្តនិម្មិតពិតប្រាកដ ប្រព័ន្ធលក់សំបុត្រតាមអនឡាញ និងកម្មវិធីទូរស័ព្ទ(mobile app) ដើម្បីផ្សព្វផ្សាយរូបភាពទេសចរណ៍។ជាពិសេស ការដាក់ពង្រាយកាមេរ៉ា AI ដើម្បីគ្រប់គ្រងការចូល/ចេញនៅតំបន់ទេសចរណ៍ គឺជាជំហានថ្មីមួយនៅក្នុងការគ្រប់គ្រង និងធានាសន្តិសុខទំនើប។
មុនឈានដល់ទិវារម្លឹកខួបស្តេចហ៊ុង (ថ្ងៃទី១០ ខែ៣ ច័ន្ទគតិ) និងថ្ងៃឈប់សម្រាកថ្ងៃទី៣០ ខែមេសា ដល់ថ្ងៃទី១ ខែឧសភា វិស័យទេសចរណ៍អានយ៉ាងកំពុងត្រៀមស្វាគមន៍ភ្ញៀវទេសចរ។ លោក ង្វៀន ថាញ់ក្វឹក នាយករងមន្ទីរទេសចរណ៍ខេត្តអានយ៉ាង បានមានប្រសាសន៍ថា មន្ទីរកំពុងណែនាំមូលដ្ឋានអាជីវកម្មនានានៅលើភូមិសាស្ត្រឲ្យគោរពតាមបទប្បញ្ញត្តិឲ្យបានហ្មត់ចត់ ធានាគុណភាពសេវាកម្ម និងផលិតផល ដើម្បីបម្រើភ្ញៀវទេសចរបានល្អបំផុតក្នុងអំឡុងពេលឈប់សម្រាក។ទន្ទឹមនិងនោះ វិស័យទេសចរណ៍កំពុងសម្របសម្រួលជាមួយអង្គភាពពាក់ព័ន្ធ និងតំបន់ទេសចរណ៍សំខាន់ៗ ដើម្បីពង្រឹងការត្រួតពិនិត្យ និងការគ្រប់គ្រងជាប្រចាំ ដើម្បីធានាសុវត្ថិភាព និងដោះស្រាយការរំលោភបំពានឲ្យបានតឹងរ៉ឹង។ បណ្តាដងផ្លូវមកកាន់អានយ៉ាងនឹងបានបង្កើនការគ្រប់គ្រងចរាចរណ៍ ដើម្បីធានាបាននូវលំហូរចរាចរណ៍រលូន។ ខេត្តបន្តវាយតម្លៃរៀបចំណាត់ថ្នាក់កន្លែងស្នាក់នៅ ចេញអាជ្ញាប័ណ្ណមគ្គុទ្ទេសក៍ទេសចរណ៍ និងរៀបចំវគ្គបណ្តុះបណ្តាលវិជ្ជាជីវៈ ដើម្បីលើកកម្ពស់វិជ្ជាជីវៈសម្រាប់ធនធានទេសចរណ៍ ជាបន្តបន្ទាប់ ។
យោងតាមនោះ ទិវាបុណ្យខួបស្តេចហ៊ុង និងថ្ងៃឈប់សម្រាកថ្ងៃ៣០ មេសា ហើយនិងថ្ងៃទី១ ខែឧសភាឆ្នាំនេះ បានឈប់សម្រាកជាប់គ្នា គឺជាថ្ងៃឈប់សម្រាកវែងបំផុតក្នុងឆ្នាំ ចំនួនភ្ញៀវទេសចរនឹងកើនឡើងខ្លាំងតាមការសន្និដ្ឋាន។ អានយ៉ាងបានត្រៀមសកម្មភាពទាក់ទាញជាច្រើនដើម្បីស្វាគមន៍ភ្ញៀវទេសចរ ដោយផ្តោតលើតំបន់ទេសចរណ៍វិញ្ញាណ និងអេកូឡូស៊ីនៅក្នុងតំបន់ថាត់សឺន ព្រៃស្មាច់ត្រាស៊ឺ ទេសចរណ៍អេកូឡូស៊ីសមុទ្ទ និងកោះនៅសមុទ្ទភាគនិរតី និងតំបន់ឆ្នេរសមុទ្ទហាទៀនជាដើម។
យោងតាមក្រុមហ៊ុនអាកាសចរណ៍ Sun PhuQuoc Airways ថ្ងៃឈប់សម្រាកពីរគ្រាគឺទិវាបុណ្យខួបស្តេចហ៊ុង ថ្ងៃទី ១០ ខែ ៣ ច័ន្ទគតិ និងទិវាជ័យជំនះ ៣០ មេសា ទិវាពលកម្មអន្តរជាតិទី ១ ឧសភា បរិមាណផលជើងហោះហើត្រូវបានគេព្យាករថានឹងមានការកើនឡើងប្រមាណ ៣២% និង ៤៤% ធៀបនឹងដំណាលពេលនេះឆាំ្នមុន។ជើងហោះហើរជាសរុបក្នុងឱកាសបុណ្យទានឆាំ្ននេះ នឹងកើនឡើងជាមធ្យមប្រមាណ ១១៨ជើងហោះហើ/ថ្ងៃ ដោយឡែកបណ្តាថ្ងៃកំពូលអាចឡើងដល់ ១៣០ជើង/ថ្ងៃ។ចំនួនអ្នកដំណើរដែលបានសន្និដ្ឋានសម្រេចបាន ២២ពាន់នាក់ ដោយចំណុចកំពូលប្រមូលផ្តុំនៅលើផ្លូវពី តាន់សឹនញ៉ាត់ (ទីក្រុងហូជីមិញ) ណូយបៃ (ហាណូយ) និងដាណាំង។
អាកាសយានដ្ឋានអន្តរជាតិភូក្វឹកកំពុងពិនិត្យឡើងវិញនូវផែនការប្រតិបត្តិការទាំងអស់ដើម្បីបម្រើចម្លោះម៉ោងហោះហើនីមួយៗ ដោយបង្កើនបុគ្គលិកនៅទីតាំងសំខាន់ៗដូចជាតំបន់ត្រួតពិនិត្យសន្តិសុខ ប័ណ្ណាគារធ្វើបែបបទ ប្រព័ន្ឋបង្វិលជញ្ជូនឥវ៉ាន់ និងកន្លែងចតយន្តហោះ។ ការសហការរវាងអាកាសយានដ្ឋាន ក្រុមហ៊ុនអាកាសចរណ៍ និងបណ្តាស្ថាប័ណ្ណធ្វើសកម្មភាពនៅអាកាសយានដ្ឋានដូចជា នគរបាលព្រំដែន គយអន្តរជាតិភូក្វឹក កិច្ចការផែនៅអាកាសយានដ្ឋានភូក្វឹក និងប៉មត្រួតពិនិត្យផ្លូវអាកាស បានរឹតបន្តឹង ដើម្បីកាត់បន្ថយស្ថានភាពកកស្ទះចរាចរណ៍ដោយដុំក្នុងម៉ោងកំពូល។
ទៅទន្ទឹមនិងផែនការប្រតិបត្តិការ ហេដ្ឋារចនាសម្ព័ន្ធប្រតិបត្តិការក៏បានបំពេញទាន់ពេល។ នៅថ្ងៃទី ១៦ ខែមេសា ឆ្នាំ ២០២៦ ទើបកន្លង តំបន់ចតរថយន្ត 1C ស្ថិតក្នុងគម្រោងពង្រីកអាកាសយានដ្ឋានអន្តរជាតិភូក្វឹកបានដាក់ឲ្យដំណើរការជាផ្លូវការបន្ទាប់ពីសាងសង់អស់រយៈពេលបីខែ ដោយបានបន្ថែមទីតាំងចតរថយន្តចំនួន ៥ និងត្រៀមសម្រាប់ឱកាសកំពូល។
អាកាសយានដ្ឋានអន្តរជាតិភូក្វឹក ក៏បាន អនុវត្តទម្រង់ធ្វើបែបបទនៅក្នុងសណ្ឋាគារតែម្តងនៅក្នុងប្រព័ន្ធអេកូឡូស៊ីរបស់ Sun Group គឺ La Festa Phu Quoc Curio Collection by Hilton និង New World Phu Quoc Resort ចាប់ពីថ្ងៃទី ១៧ ខែមេសា។ តាមនោះ អ្នកដំណើរអាចបំពេញការចុះឈ្មោះចូលបានបញ្ចប់និងទទួលបានកាតឡើងយន្តហោះមុនពេលធ្វើដំណើរទៅកាន់អាកាសយានដ្ឋាន ឥវ៉ាន់បញ្ញើបានទទួលនៅសណ្ឋាគារ និងដឹកជញ្ជូនដោយផ្ទាល់ទៅកាន់អាកាសយានដ្ឋានដើម្បីត្រួតពិនិត្យតាមនីតិវិធីស្តង់ដារ។ក្នុងដំណាក់កាលដំបូង សេវាកម្មនេះបានអនុវត្តសម្រាប់អ្នកដំណើររបស់ Sun Phu Quoc Airways។ ជាពិសេស ភ្ញៀវដែលស្នាក់នៅ Sunset Town និងឆ្នេរខេម ក៏ អាចប្រើប្រាស់សេវាកម្មនេះបានដែរ។ ទម្រង់នេះបានសន្និដ្ឋានថានឹងពង្រីកនាពេលអនាគត ហើយជាពិសេសនឹងជួយកាត់បន្ថយការកកស្ទះនៅអាកាសយានដ្ឋានក្នុងឱកាសបុណ្យទាន។
រួមជាមួយនោះ ការអនុវត្តដំណោះស្រាយបច្ចេកវិជ្ជាបន្តបានពង្រីកប្រសិទ្ធភាព ប្រព័ន្ធ Wi-Fi បានគ្របដណ្តប់លើស្ថានីយរថភ្លើងទាំងមូល អេក្រង់បង្ហាញព័ត៌មានជើងហោះហើរដែលបានធ្វើឲ្យប្រសើរឡើង ហេដ្ឋារចនាសម្ព័ន្ធទូរគមនាគមន៍ 4G/5G បានបង្កើន រួមជាមួយនិងការអនុវត្តជីវមាត្រក្នុង ដំណើរការចុះឈ្មោះចូល បានជួយកាត់បន្ថយពេលវេលាដំណើរការសម្រាប់អ្នកដំណើរ។ ទម្រង់ប្រមូលប្រាក់ដោយស្វ័យប្រវត្តិនៅច្រកចូល និងច្រកចេញនៃអាកាសយានដ្ឋាន រួមចំណែកកាត់បន្ថយការកកស្ទះចរាចរណ៍ក្នុងចម្លោះម៉ោងកំពូល។
ការបំពេញបន្ថែមវិធានការដើម្បីរក្សាប្រតិបត្តិការឲ្យមានស្ថិរភាពក្នុងចំណោមសម្ពាធកំពូលបង្ហាញពីសមត្ថភាពរៀបចំអាជីវកម្មក្នុងដំណាក់កាលថ្មីឆ្ពោះទៅដល់ APEC ២០២៧ នៅពេលដែលថ្នាក់ដឹកនាំជាន់ខ្ពស់និងធុរកិច្ចផ្តាច់មុខប្រមាណពី ១០ពាន់ ដល់ ១២ពាន់នាក់មកពីប្រទេសជុំវិញពិភពលោកបានប្រមូលផ្តុំគ្នានៅលើកោះភូក្វឹក។
ចាប់តាំងពីដើមឆ្នាំ ២០២៦ ក្រុមហ៊ុន Sun Group បានទទួលយកប្រតិបត្តិការ និងការវិនិយោគជាផ្លូវការក្នុងការធ្វើឲ្យប្រសើរឡើង និងពង្រីកអាកាសយានដ្ឋានអន្តរជាតិភូក្វឹក ដើម្បីបង្កើនពលានុភាពសេវាកម្មដល់ ២៤ លាននាក់ក្នុងមួយឆ្នាំ និងអាចពង្រីកឡើងដល់ ៥០ លាននាក់ក្នុងរយៈពេលយូរ។ អាកាសយានដ្ឋានអន្តរជាតិភូក្វឹក មានគោលបំណងក្លាយជាទម្រង់"អាកាសយានដ្ឋានគោលដៅ"ដោយផ្អែកលើស្តង់ដារ Changi-"អាកាសយានដ្ឋានល្អបំផុតរបស់ពិភពលោក" រយៈពេល ១៣ ឆ្នាំជាប់ៗគ្នា - ដែលជាកន្លែងទទួលបានបទពិសោធន៍របស់អ្នកដំណើរបានរចនាជាបន្តបន្ទាប់ឡើងរលូនចាប់តាំងពីពេលមកដល់៕
ប្រែ៖ ណារីពៅ
