រសៀលថ្ងៃទី ១៥ ខែកញ្ញា ក្រសួងកសិកម្ម និងបរិស្ថានបានសហការជាមួយគណៈកម្មាធិការប្រជាជនខេត្តអានយ៉ាង រៀបចំសន្និសីទវាយតម្លៃប្រសិទ្ធភាពសកម្មភាពជំរឿនកសិកម្ម និងជំរឿនកសិកម្មសហគមន៍ក្នុងការអនុវត្តទម្រង់អាជ្ញាធរមូលដ្ឋានពីរថ្នាក់នៅបណ្តាខេត្តតំបន់វាលទំនាបទន្លេគឺវឡុង។ លោក ត្រាន់ថាញណាម អនុរដ្ឋមន្ត្រីក្រសួងកសិកម្ម និងបរិស្ថាន លោក ង៉ោកុងធឹក អនុប្រធានគណៈកម្មាធិការប្រជាជនខេត្តអានយ៉ាង ធ្វើអធិបតីសន្និសីទ។
បន្ទាប់ពីអនុវត្តទម្រង់អាជ្ញាធរមូលដ្ឋានពីរថ្នាក់ តំបន់វាលទំនាបទន្លេគឺវឡុងមានមជ្ឈមណ្ឌលជំរឿនកសិកម្មថ្នាក់ខេត្តចំនួន ៦។ ស្ថានីយជំរឿនកសិកម្ម និងមជ្ឈមណ្ឌលសេវាកម្មកសិកម្មថ្នាក់ស្រុក ត្រូវបានរៀបចំឡើងវិញជាស្ថានីយ ឬមជ្ឈមណ្ឌលជំរុញកសិកម្មនិងសេវាកសិកម្មក្នុងតំបន់។ ទន្ទឹមនិងនោះ បណ្តាមូលដ្ឋាននៅតែរក្សាបានក្រុមជំរឿនកសិកម្មសហគមន៍ចំនួន ១.០១៣ ដែលមានសមាជិកចំនួន ១០.៣៦១ នាក់។
នៅក្នុងសន្និសីទ គណៈប្រតិភូបានពិភាក្សាអំពីគុណសម្បត្តិ និងគុណវិបត្តិក្នុងសកម្មភាពរបស់កម្លាំងជំរឿនកសិកម្ម និងជំរឿនកសិកម្មសហគមន៍នៅពេលដែលអនុវត្តទម្រង់អាជ្ញាធរមូលដ្ឋានពីរថ្នាក់។ ស្នើសុំទម្រង់រៀបចំជំរឿនកសិកម្ម និងជំរឿនកសិកម្មសហគមន៍នៅតំបន់វាលទំនាបទន្លេគឺវឡុងដែលសមស្របទៅនឹងលក្ខខណ្ឌជាក់ស្តែង។ សន្និសីទក៏បានប្រកាសអំពីសេចក្តីសម្រេចបង្កើតក្លឹបអ្នកជំនាញកសិកម្មតំបន់វាលទំនាបទន្លេគឺវឡុង ដែលមានសមាជិកចំនួន ១១៨ នាក់។
ថ្លែងមតិនៅក្នុងសន្និសីទ លោក ត្រាន់ថាញណាម អនុរដ្ឋមន្ត្រីក្រសួងកសិកម្ម និងបរិស្ថាន បានស្នើថា មជ្ឈមណ្ឌលជំរឿនកសិកម្មជាតិត្រូវបន្តពង្រីកតួនាទីរបស់ក្លឹបអ្នកជំនាញកសិកម្មតំបន់វាលទំនាបទន្លេគឺវឡុង ក៏ដូចជាក្រុមជំរឿនកសិកម្មសហគមន៍ផងដែរ ។
ទន្ទឹមនឹងនោះ ត្រូវតែយកចិត្តទុកដាក់យ៉ាងសកម្ម និងបង្កើតយន្តការសម្រាប់កម្លាំងជំរឿនកសិកម្ម ដើម្បីដំណើរការមានប្រសិទ្ធភាព និងពង្រីកតួនាទីវិជ្ជមានក្នុងគម្រោងស្រូវគុណភាពខ្ពស់ ១លានហិកតា។ ពិនិត្យឡើងវិញជាបន្ទាន់នូវយន្តការច្បាប់ សេនាធិការដល់ក្រសួងកសិកម្ម និងបរិស្ថាន ចេញឯកសារណែនាំ ដើម្បីពង្រឹងកម្លាំងជំរឿនកសិកម្មសហគមន៍ក្នុងទម្រង់អាជ្ញាធរមូលដ្ឋានពីថ្នាក់។
លោកអនុរដ្ឋមន្ត្រីក្រសួងកសិកម្ម និងបរិស្ថាន ក៏បានស្នើបណ្តាខេត្ត ក្រុងក្នុងតំបន់វាលទំនាបទន្លេគឺវឡុងត្រូវរៀបចំផែនការយ៉ាងសកម្មក្នុងការកសាង និងអភិវឌ្ឍកម្លាំងជំរឿនកសិកម្មឲ្យសមស្របទៅនឹងលក្ខខណ្ឌជាក់ស្តែងនៃមូលដ្ឋាននីមួយៗ និងវិស័យនីមួយៗ ដើម្បីធានាបាននូវប្រសិទ្ធភាពនៃសកម្មភាពខ្ពស់បំផុត៕
ប្រែ៖ ណារីពៅ
