ក្នុងអំឡុងថ្ងៃឈប់សម្រាកចាប់ពីថ្ងៃទី ៣០ ខែមេសាដល់ថ្ងៃទី ៤ ខែឧសភា ឆ្នាំ ២០២៥ ខេត្តអានយ៉ាង បានស្វាគមន៍ភ្ញៀវទេសចរបានជាង ៣១៥ពាន់នាក់ មកទស្សនាកម្សាន ប្រហាក់ប្រហែលនឹងរយៈពេលនេះឆ្នាំ ២០២៤។
តំបន់ទេសចរណ៍មួយចំនួនបានកត់ត្រាចំនួនភ្ញៀវទេសចរមានយ៉ាងច្រើនដូចជា៖ តំបន់ទេសចរណ៍ជាតិភ្នំស្វាម តំបន់ទេសចរណ៍ភ្នំពពាល តំបន់ទេសចរណ៍ត្រាស៊ឺ តំបន់ទេសចរណ៍ទឹកជប់។ វត្តលោកយាយបាមឿព។ តំបន់ទេសចរណ៍នៅស្រះបាជុក ស្រះតាប៉ា ស្រះស្វាយចេក ស្រះអូរធំ ស្រះស្វាយសស្រុកទ្រីតូន ជាដើម។ ក្នុងអំឡុងពេលឈប់សម្រាក ៥ថ្ងៃ ចំនួនភ្ញៀវស្នាក់នៅតាមសណ្ឋាគារនៅក្នុងខេត្តប្រមាណជាង ៧ពាន់នាក់ ស្មើនឹងរយៈពេលនេះឆ្នាំ ២០២៤ ក្នុងនោះមានភ្ញៀវអន្តរជាតិជិត ៣០០នាក់ សម្រេចបាន ៤៣% នៃពលានុភាពបន្ទប់ស្នាក់នៅ។
ឆ្នាំនេះ រយៈពេលឈប់សម្រាកដើម្បីអបអរសាទរខួបលើកទី ៥០ឆាំ្នទិវារំដោះភាគខាងត្បូង និងការបង្រួបបង្រួមជាតិ (៣០ មេសា ១៩៧៥ - ៣០ មេសា ២០២៥) និងទិវាពលកម្មអន្តរជាតិ (១ ឧសភា) មានរយៈពេល ៥ ថ្ងៃ ម្លោះហើយមានកម្មវិធីទេសចរណ៍ជាច្រើនបានធុរកិច្ចទេសចរណ៍រៀបចំជូនភ្ញៀវទេសចរជាមុនអស់ហើយ។ ចំនួនភ្ញៀវជាសរុបដែលអាស្រ័យដោយសេវាកម្មរបស់ធុរកិច្ចទេសចរណ៍ក្នុងអំឡុងពេលថ្ងៃឈប់សម្រាកឆ្នាំនេះមានចំនួនជិត ១.៦០០នាក់។ កម្មវិធីទេសចរណ៍បានធុរកិច្ចយកចិត្តទុកដាក់លើគុណភាពសេវាកម្ម និងតម្លៃសមរម្យ៕
ប្រែ៖ ណារីពៅ
